الرئيسيةاخبار الاصلعادل زيدان : رثاء على روح عمي المرحوم الشيخ ابو فائد كامل ذيب رحمه الله.
اخبار الاصل

عادل زيدان : رثاء على روح عمي المرحوم الشيخ ابو فائد كامل ذيب رحمه الله.


رثاء على روح عمي المرحوم الشيخ ابو فائد كامل ذيب رحمه الله.
الروح ما بتموت بتنتقل بتروح وبتبقى الذكريات بأجمل معانيها..
الجسد فاني بالتربه بيلتقي وبيروح بدله العمر اللي الحياه تزينت فيها..

بتبقى بمخيلتك وبقلبك المجروح تتذكر طلتها وحضورها تا تكافيها..
فيك تسترجع اللي راح غير الروح لكن ما فيك تكونها وتعتني فيها..
بتتجدد من لحظه اللي بتعانق الروح
متشوقه بتشعر بقدره خالقها وباريها
بتسترجعها لذاكرتك تا عطرها يفوح تا تلتقي معها تشكيلك  وتحاكيها..
بتخبرك عن حالها وباسرارها تبوح كانك رح تعاود تلتقي فيها
لابسه بدله طفل عطرها بيفوح مع ام ثانيه من تسع شهور الها تغذيها..
بتتمنالها تكون ببيت دافي بابو للخير مفتوح بجيل جديد وحياه عا قد نواييها..
ابو فائد عنك هالحكي مسموح بغيابك والرحمات ألفت وما فيك تعدها وتحصيها
زواده العمر اللي جنيتها بالانسان التقي الديان بالقلب العقل والروح رح تبقى دروس للاجيال نهديها

                           عادل زيدان


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *