بيت جن ... حادث طرق مروع ومصرع الشاب طارق زياد فارس ( ٢٣ عام )

الصفحة الرئيسية  >>  محليات

 

بيت جن ... حادث طرق مروع ومصرع الشاب طارق زياد فارس ( ٢٣ عام )

- 2020-09-12 09:39:18  

وقع، في الساعات الاولى من فجر هذا اليوم، حادث طرق ذاتي مروع في بيت جن  واسفر عن مقتل الشاب طارق زياد فارس ( 23 سنة ) حيث انقلبت السيارة التي كان يقودها .

 
هذا ما جاء في صفحة الفيسبوك التابعة للشاب المرحوم طارق زياد فارس ( بيت جن )، قبل ٤ اعوام، والذي لقي حتفه صباح اليوم !!

 يوما يا امي كنا مسرعين بالسياره...

اي..
وكنا عمنضحك..
وصوت الموسيقى عالي...
وكان الجو رواق
وجنون
وحلو
وما بعرف كيف برمشة تفركشنا بحائط اسمنت..
ما عم اتذكر...
بس حسيت بطعمة دم بتمي
بعدين بطلت احس باشي
يا امي
بس شايف كل اشي...
وصرت اتمشى بين الكل
بس محدا شايفني
يا امي كان الكل عم يصرخو
واسعاف
واطفائيه
واضواء حمره
وزعيق...
وناس ملبكه
بعدين
اخذوني عالعياده
وشفتهن عمبحاولو يطيبوني..
بس الطبيب قال
الله يرحمو ... مات
هاتو الكفن هات
وانتي كنت هناك يا امي
شفتك راكعه عالارض وعم تصرخي
وانا اقولك يا امي انا هون
وانت مش شايفيتني
روحت عند ابوي وقلتلو يابا انا هون..
بس ما كان يسمعني
كانو دموعو عم يحرقو خدو
واخي
واختي
ما حدا شايفني...
وعرفت ساعتا ... انو انا قطعت هاذا العالم
وصورت من غير عالم
بعدين
اخذوني عالبيت
وغسلتيني يا امي بدمعيك
ولبستيني ثياب عريس
بس ما كنتي فرحانه يا امي
كان صدريك مخزق
وقلبيك بالوجع
عميغرق
وحطو جسمي الازرق بالتابوت
وحملوني يا امي
كان الكل عميبكي
والصريخ كان عميوجعني
وانا عمابكي من الخوف وما حدا سامعني
وانتي قاعده يا امي فوقي جثماني
ودمعيك
دم!!!
مجبول بالغصه والهم
وانا ملمس عوجعيك
وقلك خلص تبكي يا اغلا من الروح
دمعيك عم يشلخ قلبي والروح
وخواتي
وهذوك خلاتي
عماتي
اصحابي
عميبكو
وصارت السيع عشره
وصار الكل
يصرخ
ويبكي
وانتي تخبطي عقزاز التابوت
وتقولي بدي ابوسو
اخر بوسه من شان الله
بدي المس خدو دخيلكو
بدي المس وجهو دخيلكو
وما سمحوليك تفتحي قزاز التابوت
وانا خفت يا امي
توسلتيك ما ياخذوني
قلتليك بخاف من عتم القبر
قلتليك بعدني شب
يا امي من شان الله
التوبه
التوبه ما اسمع كلاميك
التوبه خلص ما راح اسرع
التوبه....
خلص راح انتبه عحالي
مثل ما كنتي توصيني..
وحياة دمعيك
راح انتبه لحالي
بس رجعيني عحضنيك يا امي
ما تسمحيلهون ياخذوني
بس ما كنتي تسمعيني
ركضت عند ابي
ركعت عند اجريه
قلتلو دخيلك يابا
ما تخليهون ياخذوني
دخيلك دخيلك سامحني انا اسف
وحياة رجفة ايدك
وبحة صوتك
راح اسمع كلامك من هون وطالع
وراح انتبه انا
وما راح استهتر بالشارع
بس ما تخليهون ياخذوني عالقبر
القبر بارد يابا
وريحتو بشعه
وما في حدا
وانا خايف يابا
بس ابي كمان ما سمعني
واخذو تابوتي
وتشرذم صوتي
وحملوني لهناك يا امي
وقبروني
واخذوني منيك
هني
والشارع
والسرعه
والجنان
كفنوني بالابيض يا امي
واخذوني منيك يا ست الحنان
رشو قبري بالجوري والفل
والنور من صبحو صار ظل
وقبروني يا ست الكل
من شان الله سامحيني
حرقت قلبيك سامحيني
انا اسف يا اخي واختي
انا اسف يابا
انا اسف يا اصحابي
راحت هدر حياتي
عجل الشارع مماتي
دخيلكو انتبهو عالطريق
وما تشعلو بحباكو
حريق
وما تكسرو بخاطر الغوالي
من شان الله العالي
انتبهو عالطريق
بخاطريك يما...

 


لأرسال المواد والصور عبر البريد الالكتروني : h0507513910@yahoo.com


التعليقات


حزنت وبكيت عند قرائتي خبر مصرع الشاب طارق،وخلال قرائتي لقصيدته التي كتبها قبل اربع سنوات وعلى مسمع من زوجتي،توقفت عدة مرات لنتنفس ،زوجتي وانا، لان هذا الكلام يؤثر في صميم القلب ويدمي الروح. نسال الله ان يشمل المرحوم الشاب طارق بواسع رحمته ويسكنه فسيح جناته وان يلهم اهله واحبابه ومعارفه الصبر والسلوان . انا لله وانا اليه راجعون. ابو شادي نمر طريف المغار.

ابو شادي نمر طريف - المغار - 2020-09-12 18:00:26

1 .

اضف تعليق
 

الاسم

 

 البلد

 

  التعليق

 

 

جدعان رمال من يركا - يركا:
 الف مبروك علي صلالحه מרצ

جدعان رمال - يركا:
 الف مبروك ابونايف نجم

دعسوقه - :
 الف الف مبروك لبيت جن شوارع وملاعب 😭😭😭وينها

سريل رفيق قبلان - بيت جن :
 خالتي ايمان مرقت سنه بدونك... وين ما كنتي الله يحميكي.. شتقنالك كثير كثيو ...

رواد ماضي حرب - بيت جن :
 اللة يرحمك يا ليث ويصبر اهلك

رواد ماضي حرب - بيت جن:
 الف مبروك

جدعان رمال - يركا:
 الف مبروك

* - **:
 راضي نجم 👍👍

اولغا - لبيت جن:
 اريد ان اشكر الشابة شهربان رفيق خطيب على تبرعها السخي الدائم كل فترة للمحتاجين،، وبالاخص لقرية الاولاد بحرفيش على اليوم المميز المليئ بالفعاليات مع الاولاد والذي جعل البسمة المميزه على وجوه الاطفال وايضا" اهنؤك بكونك عضوة بجمعية بيت جن تجمعنا ، انا شخصيا" افتخر بك صديقتي ودمتي لي فخرا" والى الامام انت بالفعل انسانة راقيه جزاكي الله خيرا"

جدعان رمال - يركا:
 الف مبروك ابروفيسور كمال ابو حسن

جدعان رمال - يركا:
 الف مبروك

زهره البنفسج - بيت جن:
 بالنجااح بمناسبه الفصل الجديد واتمنى ان تكون سنه وفصل ناجح لمدرستي الاعداديه

مش مهمة - بيت جن:
 الله يرحم جميع الاموات 😥💔💌💘

ابوطه - سوريا:
 في الماضي كانت الطيبة .. ميزه .. يتميز بها الإنسان  و لكن ما أراه اليوم فهي نقطه سيئة لو أصبح الإنسان يمتلكها .. هذا الواقع ..؟؟؟ طيبـــة القلـــب : صفة محمودة في الإنسان بل ومرغوبة والإنسان طيب القلب محبوب من الجميع القضية :  أصبح الإنسان طيب القلب في زمننا هذاشخص ضعيف على حد قولهم  وأصبحت الطيبة توصف بالضعف والتخلف لماذا ؟؟؟ لأنه يتصف بالسماحة والشفافية ..  وأصبح الناس يستغلون للأسف طيبة قلب الشخص لقضاء مصالحهم ولتجاوز النظام !!! 

سامي صلالحه - بيت جن:
 الف مبروك لعلي احمد حسين صلالحه بمناسبة حصوله على لقب بروفسور من جامعة حيفا. دمت فخرآ للبلد ومثلآ يقتدى به. وفقك الله وبالنجاح في جميع المجالات. تحيه للخال ابو علي احمد - المثل الأعلى لنا جميعا والأستاذ الجليل والإنسان المتواضع

Already...isss - بيت جن:
 بعين الله

هاجر مجد حمود - :
 بالنجاح الى صفي العزيز واتمنى لمربيتا صفي العزيزتين ناهد قبلان وديانا حرب العزيزتين

زهره البنفسج - بيت جن :
 بالنجااح بمناسبه الفصل الجديد واتمنى ان تكون سنه وفصل ناجح لمدرستي الاعداديه

طراد عواد - العراقيب البدوية:
 اهداء الى اخي العزيز فارس دبور من بيت جن اولا سلاماتي الحاره من الجنوب و تشكراتي على مساعيك الحسنه ! و بهذه المناسبه اقدم لك تهاني الحاره لحصولك على رتبة "رائد" و انشالله من هنا الى رتبة جنرال " السباع بافعالها لا بكلامها " و انت اخي كذلك شكرا

سليمان صالح والعائله - بيت جن:
 نبرق بأجمل التهاني والتبريكات لابنتينا ريم صالح اسعد ومروه صالح. نبارك لَكُن التخرج والحصول على شهادة الماجيستير الذي تمناها القلب لتمسك احلامكن والتي حان قطافها. نتمنى لَكُن دوام التقدم والتفوق نحو الحصول على درجة الدكتوراة ألف مبروووووك. من الاهل، سليمان، نايفه، الأ خوه والأخوات 💐💐💐

 

اضف اهداء

 

استفتاء

 

 

اريد حلا

 

شابة: أصبحت تعيسة وأشعر بعدم الأمان بعد فقدان والدي

درزية معذبة لموقع الاصل: حياتي جحيم مع رجل لا يعرف معنى الرجولة ......

 

حق المواطن بالمعرفة

 

حق المواطن بالمعرفة : عضو المجلس سلمان ظاهر: امكانية ترشحي لرئاسة...

حق المواطن بالمعرفة : عضو المجلس فرح سويد في لقاء مع موقع الاصل


جميع الحقوق محفوظة لدى موقع الاصل
(الآراء المنشورة في الموقع تعبر عن رأي كاتبيها فقط )

للأعلان في الموقع   |   اتصل بنا   |   ارسل لنا خبر  |   اسس التعقيب في الاصل

Powered by BldnaHitech 
بلدنا هايتك - بناء وتصميم مواقع انترنت