درزية معذبة لموقع الاصل: حياتي جحيم مع رجل لا يعرف معنى الرجولة ... ساعدوني

الصفحة الرئيسية  >>  اريد حلا

 

درزية معذبة لموقع الاصل: حياتي جحيم مع رجل لا يعرف معنى الرجولة ... ساعدوني

- 2015-09-02 21:30:06  

وصلتنا الرسالة التالية وبدورنا ننشرها بحذافيرها
قصتي هي رحلة عذاب دامت 16 سنة.. أنا متزوجه ولدي 3 اولاد.. أكبرهم بين ال15.. حياتي جحيم مع رجل لا يعرف معنى الرجولة.. أذاقني المر والاهانة حتى كرهته وكرهت نفسي.. طلبت الطلاق لكن أهلي رفضوا فالمجتمع لا يرحم المطلقة.. أما أنا فعذابي لا حد له.. كلمات بذيئة واهانات وضرب أحيانا.. أولادي تعقدت نفسيتهم وتزعزعت ثقتهم بنفسهم.. رجل لا يعرف الله.. قاسي.. شكيك.. معقد.. كل شيء ممنوع عنده.. رخصة السيارة.. لبس البنطلون.. قص الشعر.. الرحلات.. يعني باختصار رجل من العصر الحجري رغم أن عمره لا يتجاوز الأربعين.. اهرب منه للعمل .. ووقت العودة للبيت هو حكم الإعدام لدى.. ما الحل?? .
بطبيعة عملي تعرفت إلى رجل وأصبحت أكلمه كل يوم وافضفض له كي لا انفجر.. صديق حقيقي يستمع لي ويواسيني.. أصبحت أحب عملي أكثر وأسرع للوصول لكي أكلمه .. صوته يشعرني بالأمان المحرومة منه.. هل يوجد أقسى من حياة كحياتي??يعني عايشة من قلة الموت .. رغم اني وقفت إلى جانبه باصعب الأوقات التي مر بها.. واي واحدة مكاني كانت تركته.. فهل هذا جزائي?? كيف سيمضي باقي العمر?? حياتنا الزوجية تقريبا معدومه..كل يوم اموت من جديد.. أصعب شعور هو الموت على قيد ..الحياة..


لأرسال المواد والصور عبر البريد الالكتروني : h0507513910@yahoo.com


التعليقات


من جهه بتقولي شكاك من جهه ثانيه بتقولي انك بتخونيه، يعني الحق معاه، يعني انتحري، واذا هامك الولاد عيشي عالسكت.

אסיל - - 2015-09-02 22:12:18

1 .


مهيك هيك ولادك معذبين طلقيه وتريحي منو صدقيني اليوم محدا عايش غير المطلقات ،احسن الك ولولادك وهيك بتغيرو جوو وبترجع ثقة ولادك فحالون والبيت بلا اب مش زي البيت بلا ام فانتي البتربيون وبتعلميون مش هو وبحقلك تعيشي عاد زي مبدك لانك مخلقتيش تيجي حدا يحكمك وميهمكش حكي حدا المهم تكوني انتي وولادك مرتحين

beit jann - beit jann - 2015-09-02 22:21:20

2 .


اذا انتي مش قادرة على التأقلم مع زوجك اتركيه وخذي ولادك وعيشي لحالك ..تستنيش تنو يتدمرو ولادك قدام عينك ..خذيهون ربيهن واعطيون الثقة ..كوني قد حالك وتخليش شقفة زلمة يدمرلك مستقبلك انتي وولادك ..انتي بعدك صغيرة بالعمر هيك فهمت اذا عمر زوجك بعدو مقلطش ال40 ..الحياة قدامك ..و"الرجولة مش فالضرب والهانة الرجولة فالاحترام والاخلاق" والمساواة بين المرأة والرجل ..

فاعلة خير - بيت جن - 2015-09-03 00:48:41

3 .


للانسة ״אסיל״ هي مش خاينه .. يعني انتي بتعتبري حالك خاينة اذا متجوزة وبتفضفضي لرفيقتك؟؟ مش فرق بين الصديق والصديقه الثنين اصدقاء فش حاجي للعقد وتزيديها عالمخلوقه معقدة من حياتا بلاشي .. اذا ما عندك تعليق يساعد احتفظي بتعليقك البايخ لنفسك!! قال هو شكاك وانتي خاينه .. شو هالوقت اللي وصلنالو!! الى اختي الدرزيه... اتطلقي انتي وكل وحدة عايشه منهانه مع جوزها !! ويلي بدو يصير يصير!!! اذا منضل ساكتين عن حقوقنا رح يضل مجتمعنا متخلف وما رح يتقدم خطوة لقدام طالبو بالمساواة والحرية المتساويه وصحو ع حالكن وخلي يلي بدو يحكي يسأل حالو اذا عيشتو عاجبتو بلاول؟ اذا اي! يحط حالو محلك ويسال مرة ثاني واذا اي وبيتحمل لازم ينتحر !!!! فيقو عحالكن

مش مهم - الهضبه - 2015-09-03 00:48:49

4 .


الأم مدرسة إذا أعددتها أعددت شعبا طيب الأعراق هذا بيت في إحدي قصائد الشاعر الكبير حافظ ابراهيم ، وهي قصيدة تسمي العلم والأخلاق .. قصيدة العلم والأخلاق لشاعر النيل حافظ إبراهيم : والمـال إن لم تدخره محصنا بالعلــم كـان نهايـة الإمـــــلاق والعلــم إن لم تكتنفه شمائــل تعليه كان مطيـــة الإخـفــــاق لا تحسبن العلــم ينفع وحـــده مـا لم يتـوج ربــــه بخــــــلاق من لي بتربية النساء فإنهــــا في الشرق علة ذلك الإخفــــاق الأم مــدرسـة إذا أعــددتـهـــا أعـددت شعبا طيب الأعــراق الأم روض إن تعهــده الحيـــا بالـــريّ أورق أيمـــا إيــــراق الأم أستــاذ الأساتــذة الألــــى شغلت مآثرهم مدى الآفـــــاق أنا لا أقول دعوا النساء سوافراً بين الرجال يجلن في الأسواق يدرجن حيث أرَدن لا من وازع يحـذرن رقبتـه ولا مـن واقـــي يفعلـــن أفعال الرجــال لواهيــــا عن واجبات نواعـس الأحـــداق في دورهــن شؤونهــن كثيــــرة كشؤون رب السيف والمــزراق تتشكّل الأزمـــان فــي أدوارهـــا دولاً وهن على الجمـود بواقـــي فتوسطـوا في الحالتين وأنصفــوا فالشـرّ فـي التّقييــد والإطــــلاق ربوا البنات على الفضيلــة إنهـــا فـي الموقفيـن لهـنّ خيـر وثـــاق وعليكمُ أن تستبيــن بناتكـم نـــور الهــدى وعلـى الحيــاء البـــاقي

باسل - بيت جن - 2015-09-03 02:19:02

5 .


في حكمة عند الخال رامز بتقول ~ان لم تقد نفسك فأنت لست انت ~ اطلعي من البيت ولا تدوسي على كرامتك هذا الحل الوحيد احسن ما تحكي مع شخص ثاني هاي تعتبر خيانة اذا بتحكي مع حدا من ورا ضهر جوزك برجع بقولك الحل الصحيح انتي بتعرفي بس لو بتفكري في اولادك وكرامتك.

الخال حكمت حمود - بيت جن - 2015-09-03 03:28:00

6 .


توجهي لمكتب الخدمات الاجتماعية في بلدك فهم سيساعدونك بشكل مهني وسرية واياك التوجه لطلب نصيحة من هذا المجتمع الظلام لنفسه قبل ان يظلم نسائه

نوسة - - 2015-09-03 08:08:36

7 .


بِسْمِ الله الرحمن الرحيم ،العيش بكرامة حق لكل إنسان ،تحية توحيدية الأخت الكريمة وبعد ، لستي وحدكي التي تعاني من هذه المشاكل، ولكن كل الاحترام على الجرأة في طرح القضية، كل مشكلة لها حل، وكان هنالك العديد من هذه القضايا وأصعب من ذلك ، وتم حلها بحمد الله، اولا :- يجب ان تراجعي نفسك ،ما سبب تصرف زوجك معكي بهذه الصورة ، لربما كان عليكي حق كبير في ذلك. ثانيا :- الدنيا ما زالت بخير ، وبامكانكي ان تتوجهي الى أناس او مشايخ محترمين ، يتوجهون لزوجكي ويرشدونه الى طريق الصواب ويعرفوه خطورة تصرفاته. ثالثا :- في حال لم ينفع معه الوعظ والإرشاد ، بالإمكان التوجه الى المحكمة الدينية الدرزية للضغط عليه بالعدول عن تصرفاته. أيضاً بامكانكي التوجه الى قسم الرفاه الاجتماعي في بلدتكي وأخذ التعليمات المطلوبة، وآخر شيء تقديم شكوى ضده للشرطة ، اذا لم ينفع معه اي شيء، والمثل القائل " لا يفل الحديد الا الحديد". باحترام :- الخادم الأمين .

الخادم الامين . م.ق - بيت جن - 2015-09-03 08:34:25

8 .


انا مع تعليق الاخت نوسه في عندك مكتب الشاون في البلد وفي عندك القانون وانتي مش بحاجه لراي حدا سدقيني ما حدا بنفعك لا اهل وولا ولاد وولا مجتمعنا مع ارااه الرجعيه انتي مش مجبوره تعاني عشان مجتمعنا يكون مبسوط

اسال مجرب وولا تسال حكيم - بيت جن - 2015-09-03 10:57:56

9 .


الاخت المعذبه كتاباتك هنا لن تزيد لك الكثير فانت ادرى بوضعك وبقاؤك معه وانجاب ثلاث اولاد منه يعني انك سكتي عن حقك فتره طويله ولم تهتمي لمصلحتك.. اذا بقيت في بيته عليك ان تعلمي ان هذه مسؤوليتك وحياتك التي ستكملينها معه وانت وحدك التي ستعيشينها وتتحمليها.. واذا تطلقت منه عليك ان تجدي بيتا يحويك او عند اهلك او لدى اقربائك وايضا عليك ان تتحملي حتى يتعود الناس انك مطلقه.. احب ان اخبرك اني لو كنت مكانك كنت تركته اشرفلي وكنت دعست على المجتمع وكلام المجتمع لان عندما تموتين من وراء قساوة زوجك او تصلين مستشفى الامراض العقليه لن ينفعك المجتمع ولن يسال عنك.. كوني سادقه مع نفسك وفكري بمصلحتك اولا واعلمي انك انت لست صغيره وانك صاحبه قرار خاص بك وفقط بك.. لا ادري لماذا تسكت النساء على الظلم ولا تطرق زوجها بوكس تجيب اجله ويلعن ابو المجتمع عابو خوث الناس وكثر حكيون فصرمايتي .. شو ناقصك دافعي عن حالك ؟!!!

بيت جنويه - بيت جن - 2015-09-03 16:06:24

10 .


صديقتي ... اعرف ان حياتك صعبة .. اغلب البشر كمان حياتها صعبة ومتعبة .. اقتراحي الاول لالك انه تجربي تطلبي مساعدة من المشايخ ... بعرف انهم بقدروا يأثروا على شبابنا .. وثانيا احنا بدولة بتقدري تحبسي زوجك اذا بتثبتي عليه تقصير في حقك .. او ضرب او غيره .. انا بقترح تهددي انه تشتكي عليه .. وتشوفي كيف رح يتعامل بعدها معك .. اما صراحة ما عجبني الحكي عن الصديق .. بعرف انه الاصدقاء بتساعد .. بس اليوم بطل في امان لحدا .. خلي علاقتك بصديقك بس صداقة .. ما تخليها تتعدى حدود بيتك لانك رح تخسري .. واذا حبيتي حاكيني انا 😊

اسيرة العشق - بيت جن وطني - 2015-09-03 21:08:24

11 .


اطلب منك التروي والتفكير بالعقل ولا بالعواطف. اولا بادري انت في لم شمل الاسره ، اتوقع انك حاولتي لاكن دون نتائج ،حاولي مرة ثانيه وثالثه ورابعه، الحل موجود في داخلك انت، لديك الفرصه بان تقودي هذه السفينه الى بر الامان فلا تظيعي الفرصه، اسمعي صوتك بالحق عاليا ولا تخافي ، اكثري من الجلسات معك وتحدثوا على هذه الامور انتم فقط ولا تسمحي للناس بالدخول بينكم. اطلب منك التراجع وفورا عن القرار الذي اتخذتيه بالتحدث مع شخص اخر غير زوجك ففي كل المجتمعات لهذه الظاهره اسم واحد فقط وهي خيانة الزوج ففي هذه الطريقه انت تدخلي نفسك في دوامة ثانيه واصعب من زوجك ،مجتمعنا كما قلت لا يرحم المطلقه ،ممكن في بعض الحلات ولاكن نفس المجتمع ايضا لا يرحم الانسان الخاكن يا عزيزتي ،احذري الحلول السريعه والغير مدروسه فهي تزيد مشاكلك اكثر وتعقد الامور وانت كما فهمت عندك الكثير منها. بعد المحاولات بينكم اذا استمرت المشاكل فهنا انا اقترح عليك بان تجمعي الاسرتين اهلك واهله وتتحدثي وبكل صراحه ماذا يجري في البيت ، اما اذا هذه الطريقه لم تحل الاشكال هنا فقط اطلب منك التوجه للمهنيين وهم كثيرون مثل مكتب الشؤون الاجتماعيه وهم فقط المسموح بالتحدث معهم بكل مصداقيه وفي كل المجالات. مرة ثانيه لا تسمحي للأغراب بالتدخل بينكم امثال هذا الشاب الصديق فهو يصطاد في المياه العكره وفي المواقف المحرجه التي تتطلب وقفت زلام هو نفسه اول انسان سيهرب صدقيني. هذا اسمه تهور واللجوء للحلول السريعه التي لا تنفع ابدا. تذكري انك ام لأولاد وعليك المسؤليه ايضا . تروي وفكري والقرار لك فقط.

كميل منصور - بيت جن - 2015-09-04 08:46:38

12 .


للتعليق رقم واحد...اسيل...متأسفي عالحكي يلي بدي قولو بس يا ريت لو بتخرسي هالمرأه العامله يلي عبتقولي عنها خايني يمكنها محرومي حتى من صديقات واصدقاء وفش الها غير اصدقاء العمل لحتى تفتضلهن ...هي بحاجه للانسان يلي حدا تحكيلو كل شي ...ثانيًا صاحبه الحياة المأساويه حابي قلك شي انتي لازم تفكري بمستقبل اولادك وبناتك الزلمي يلي بيهينك بطل زلمي صار طفل وللاسف زوجك الطفل بيكون اوعى منو ...كوني سيدة نفسك وسيذة قراراتك تستنيش اهلك ليجو يطلقوكي منو ويطلبو الطلاق هي حياتك وانتي حرّه كيف صرلك عايشي ١٦ سنه بهالجحيم عنجد ...اني عمري ١٨ سنة زغيري بالنسبه الك يمكن بس شايفي الموضوع كلو غلط واهلك يلي خلفوكي لازم يوقفو حدك ويزتو حكي المجتمع لورا ...المجتمع بعمرو بيسكتش ...وبلاحظ انو دروز اسرائيل بشكل عام عندكن هالامور انو ممنوع الرخصه وممنوع وممنوع وبتكون اسخف الامور ...عيشو حياتكن باحترام وحب ببطل شي ممنوع ..شكرًا اذا قبلت التعليق بما انو اني مش من بيت جن او منطقه قريبي بس ها رأيي

فلك - مجدل شمس - 2015-09-04 10:05:57

13 .


יעני אינו ״מש מניח״ מעקי קום ואינק בתחקי מע ואחד גירו קום אדא הוה בכליקיש תסוקי ובכליקיש תזבטי לי שערק וביטלעש טיולים אחמדי רבק ובוסילו אידו ווגה וקפא לאינו בוקרא בס תדייני ויקון בחוב לטללעאת בדוש יעגבק .. בס עלא מא אד׳ון ראסק יאבס ואנתי עקלק וקול תפקריק פי האי לאשיאא לתאפהה , ולק למא ענדק ולאד וזלמה דירי באלק עליהון וחוטיהון פי עיניקי בעדין לזלמה בקונש עאטל מע מרתו למא היה מלאק !!! בס ירוויח מן לשוגל כלי אקלאתו יקונו גאהזין וקוני עמתסתני ללתתעשו וקוני מכלסה שוגל לבית מנשאן תוקועדי מעו ותדלקיד תנק׳י זיי לבומה בדק תטלעי ובדק תסוקי אחרת בדק תדלק פי האד לקרף וגוזק צודק פי קול קלמה ופש חאגה תדלק זיי בנאת לשוארע דאירה עלא תסרוקות ופן וסיארה וטיולים מא שאיפין ליום מנערפש לשבאב מן לסבאיה קול סבייה טאלעה פי סיארה זיי לשב מזבטתהא מנשאן היק קולי שוקרן אינו פי היק וקת פי זלמה זיי גוזק ופקרי מניח תקוניש גבייה !!!

.. - דליה - 2015-09-04 18:17:53

14 .


אנא מע אלאוח'ת דליה מס' 14 פי קול קלמה חקתהא ... וואסלן אלתפאהום וואלסראחה הוא אסאס קול אשי .. אד'א בדקש תסארחי וותחקי מעו מניח וותג'רבי תפהמי מנו וותסמעי שו ראאיו וותוח'די וותעטי מעא ... אקיד מש ראח תזבט חיאתק ... קברי עק'לאתק.. וואחמדי רבק אלף מרה אללי ענדק ג'וז בידיר באלו עליקי וומש דאייר עלחקי אלפאד'י האיי אלאיאם ... ואקיד בדו ישוק פיקי למא בתחקי מע "וואחד" ע'ירו יא פהמאנה ...

Aiwa - B-J - 2015-09-08 19:54:27

15 .


המצב בפר על הפנים מלא גרושים

אחמד קבלאן - בית גן - 2015-09-13 12:59:16

16 .


לך גברת יש לי שלוש הצעות לך 1. מה מצב הילדים בבית ואך הם מקבלים את החיים של ההתנהגות שלכם 2. סבלת עד היום 16 שניים למה 3. אל תאמיני לגבר זר אפילו בתור ידיד כי היום אין ידידים במגזר הערבי לכן הצעתי אליך למען הילדים לנשות לשבר את החיים הקשיים שלכם בהבנה תערבי את אמך או חמתך על מנות להשלים ואל תתני לו אפילו שניה אחד לחשוד בך כי תהרסו את הבית שלכם בהצלחה לך סמיר

סמיר - צפון - 2015-09-16 08:10:44

17 .


אסמעי אול אשי פש זלמי בעאמל מרתו היק בדון אסבאב ..תאני אשי מש חל אנק תחקי מע ואחד תאני(יועתבר כיאנה) ..תאלת אשי אהלק לו בתחקילון קול אשי אנו היק בעאמלק ובודרבק (ומעקד להדרגי) נראלי מש ראיחין יקבלו אנו דלק מעו ראבע אשי פקרי פחאלק ופולאדק וטלעי עחאלק אנתי מן גוא אדא גלטני אדא לא כאמס אשי מש היק בעישו מע גוזהון פי אשי אסמו חתא לו שו מיסיר בדלק מגוזי יעני מש מסמוח תחקי מע חדא בוכסקש חתא לו סדיק ונתי עאישה זייק זיינה ובתערפי שו יעני עמתחקי מע שב ונתי מתגוזה לו בערפו אהלק אקיד ראח יגזוקי הוני ובאמקאנק תקוני אחסן בנאדמה עשאן ולאדק אדא מש עשין גוזק עשאן אבנק עמבקבר בלקי סאחבק לידיד חקאלו שו רדת פעלק ופי חלול מלאן חביבתי פי אנו תקוני קריבי מן גוזק ודלילי ותעמלי זיי אבנק עשאן קמאן הוי יסיר מעק בנאדם מניח בלשי אנתי פלמניח בלקי אללה סהלה עליקי ותדביש חאלק פאידיקי גרבי קוני למתל לאקוה ולאחסן ונשאללה כיר

לא משנה - ראמה - 2015-10-09 00:13:15

18 .


اذا انتي بتخافي منو و بتسترجيش توقفي قدامو اكيد يعني بدش يتاقلم معاكي اذا فرجي حالك و كوني قبضاي مش يعني تضلك موقفه صنم -.-

وحده - مش مهم - 2015-10-24 10:46:13

19 .


انا صاحبة المشكله التي طلبت مساعدتكم..لقد عملت بكل نصائحكم وقمت بالدوس على كرامتي والعيش مع رجل اكرهه وتممل اهاناته وقسوته ولؤمه فقط لاجل اولادي وحاولت بشتى الطرق تصليح العلاقه بيننا الا انه واصل عنفه الكلامي وشتائمه وتجريحه حتى ضاقت بي الحياة ولجأت الى اهلي مع اولادي ..الا انهم رفضوا استقبال اولادي حتى بتد ان جمعتهم مع اهل زوجي واخبرناهم انا والاولاد عن الحياة المرة والذل اللذي نعيشه..الا ان قرارهم كان ان ابقى وحدي وارجعوا له الةولاد لانهم ليسوا مجبورين ان يربوا له اوااده لانه رفض التخلي تن البيت لي وللاولاد..رغم اني دفعت فيه دم قلبؤ وسنين عملي..مع العلم اني لست بحاجه لمساعدة ماليه من احد وفي مقدوري ان استأجر بيت وأؤمن لهم احلا حياة فأنا موظفه وراتبي محترم ..الا ان كل ذلك لم يقنعهم..ففكرة العيش وحدي مع اولادي غير واردة بالحسبان فالمجتمع لا يقبل بهذا حسب رأيهم.وهكذا اضررت الى الرجوع مذلوله الى زوجي لاني لا استطيع العيش بلا اولادي وخصوصا وهم بسن المراهقه..فأرجو منكم المساعدة واذا كان لدى احدكم معرفه من ناحيه قانونيه بشأن الحضانه فأرجو افادتي بها..لانه حرمني حتى من البلفون بحجة انه هو الرجل وكلامه يمشي عليي..ونحن الان نعيش تحت سقف واحد ولكن اغراب..ولا اعلم كم استطيع ان اتحمل بعد..فلولا خوفي من الله وشفقة على اولادي لقتلت نفسي وارتحت..ولكني مؤمنه واولادي تحملوا ما يكفي حتى الان فلا استطيع تحميلهم فوق طاقتهم..فارجو منك اخ حسام نشر مشكلتي واذا كان بالامكان عرضها على محامي واخباري برأيه من ناحيه قانونية سأكون ممنونه جدا لك..فأنا اريد ان اعرف حقوقي بشكل اكيد..

درزية معذبه - - 2015-12-17 11:11:04

20 .


حضرة الاخ حسام ارجو نشر المشكلة

درزيه معذبه - قرية مجاورة - 2015-12-18 16:46:53

21 .


انا حسب رايي اختي مع احترامي الك ان اليوم احنا دروز وعنا عادات وتقاليد النا وغير كل الطوائف احنا منأمن ان لولاد بتكسر الضهر ولازم يكون شويه رخاوة من احد الطرفين احنا عنا منأمن ان المره لازم ترخي شوي مش اذا هو بشد احنا نضل نشد عقبالو وانا متاكده انو اولادك كثير كثير ضايعين ومبضلو محتارين فعشان هين فكري فيهن فكري بمستقبلهن وانكسري شوي انا ما عمبقلك ادعسي عكرامتك بس تعالي عحالك شوي حاولي تعيشي بطريقه ثاني ابدو صفحه جديده بلكي الله يهدي وانتي تقدري تجيبي عالطريق الصحيحه ..والطلاق ما هو هوين بدك تموتي مية مره بلا اولادك تخيلي مثلا في اجتماع بالمدرسه كل الامهات بتكون الا انتي شو بكون موقف ابنك او حفله او الخ...ففكري شوي وطولي روحك كرمال الاولاد وانشاالله الله يصلح الحال...

ميليا - كسرا - 2015-12-19 10:57:20

22 .


مرحبا لصاحبة المشكلة انا حسب رايي الحل بايدك انتي يا بتتحملي علشان ولادك يا بتتطلقي وبترجعي لعند اهلك بدون اولادك ، مشكلتك نفس مشكلتي اما انا حطيت عقلي براسي وتطلقت وهياني عايشة مع اهلي مكيفة ولمعلوماتك انا عندي خمس اولاد اصغرهم بنت سنة ونص يعني وضعي كان اصعب من وضعك وكثير كان صعب علي بالاول وبعدين الاشي صار عادي وبشوفهن وبيزوروني دائما وبحب اقلك انه فش قانون بالدنيا بيغدر يجبر اولادك انهن يعيشو معك لا بوليس ولا محامي ولا محاكم لانك ذكرتي انهم بجيل 15-16 معناها الهن حق الاختيار مع مين يعيشو ، ولا انتي اول واحدة ولا آخر واحدة بتتطلق بدون اولادها يمكن بكرا ربنا يبعثلك قسمة احسن من هيك بكثير ويعوضك عن كل الايام البشعة يلي عشتيهن ، وبالنسبة لانك تسكني بالاجار بحب اقلك انك عم بتخربي على حالك وعلى اولادك وعلى اهلك وافراد عائلتك لاننا بعدنا دروز والمطلقة مرجوعها على بيت اهلها الا اذا هي مفكرة تعيش حياتها بطريقة ( سلبية ) وتعيش كيف بدها وتروح وتيجي وفهمك كفاي ومش راح يلحقها غير الفضايح والسمعة العاطلة للكل ، حبيبتي اولادك مش صغار واكيد جوزك مش مقصر معهن واهلك معهن حق بدهن مصلحتك واكيد قسو عليكي لانهن عم بيجربو يصلحو الوضع وترجعي على بيتك ومع اولادك لانهن متاكدين انك مش رايحة تغدري تعيشي بلاهن والطلاق مش هوين وبدك تعملي حساب لكل اشي وبدو قوة قلب فكري بعقلك وارحمي حالك وتطلقي وارجعي عبيت اهلك معززة مكرمة واولادك فش قوة بالدنيا بتغدر تحرمك انك تشوفيهن او تقعدي معهن بالاول بيكون صعب عليكي اما شوي شوي بتتعودي ، ريحي حالك وهذا هو الحل المناسب اذا انت حابة ترتاحي .. شكرا

مجهولة - درزية من قرى الشمال - 2015-12-19 11:24:01

23 .


اهم شي ما تفكري بالانتحار علشان واحد نذل من ثاني جمعة بيتجوز وبيكمل حياتو بشكل طبيعي ويمكن هذا يلي بدو اياه انك تنتحري علشان هو يرتاح اوعك تنكسري كوني قوية علشان اولادك واهلك والله بيهونها الله معك وراح ينصرك كوني متاكدة ما تفقدي الامل واتكلي بس على ربنا ممنوع تنكسري انتي قوية

درزية - الشمال - 2015-12-19 11:33:24

24 .


رقم 22 انا رايي من رايك 100% المرأة لازم تتنازل شوي وتتحمل كرمال اولادها احنا دروز والكلمة للرجل بالبيت والمراة هي اللي بتغدر تصلح وضع بيتها مش تروح معو راس براس

درزية - - 2015-12-19 13:06:32

25 .


اختي العزيزه قريت رسالتك وتاثرت كثير بس انا بعرف نساء بمجتمعنا اللي عانو اكثر منك بكثير ان كان باهانات او ضرب بس صبرو ا وتنازلو عشان ولادهن ما يعيشو بجو القلق والخوف من بكرا واللي بدو يصير. نصيحتي الك راجعي حالك وحسني علاقتك مع جوزك وولادك واتكلي عالله وبس لانه فش حدا بينفعك غيرهن ويمكن اللي بتشكيله يستغل وضعك لنيه مش منيحه وسيعتها بتخسري الكل ان كان اهلك او جوزك وولادك وتعيشي ندمانه طول عمرك وربنا كبير حاضر ناظر وقادر يحصلك حقك

ايمان - درزيه - 2015-12-19 20:18:32

26 .


رقم 23 انتي بدك تخربيلها بيتها للمخلوقة حرام عليكي عم بتشجعيها عالطلاق بدل ما تقوليلا صلحي وضعك مع جوزك وفي بيتك وفش حدا بينفعك غير جوزك وبيتك ما بعدك عم بتقولي بتغدرش تعيش بلا ولادها مع العلم انو في ناس عايشة اصعب منها ومتحملة كرمال ولادها يعني انا حسب رايي بحب اقول لصاحبة المشكلة جربي قد ما فيكي صلحي مع جوزك يمكن انتي المقصرة معو وفي بيتك ومع اولادك وهذا الاشي بيسبب انو يعاملك معاملة سيئة وبالنسبة للبيلفون ما تخربيش بيتك وتهدمي حياتك وحياة اولادك علشان بيلفون انا لو محلك بكسرو وبعيش مبسوطة في بيتي فكري بعقلك مش بقلبك وصدقي انو مش كل الناس مبسوطة كل واحد ومشاكلو الطلاق مش هوين خيتا واولادك بيضيعو فكري بس فيهن والله يصلح الامور ونشالله بس خير قيمي فكرة الطلاق من راسك وملكش غير انك تصلحي بيتك ، شكرا

علا - - 2015-12-19 21:37:47

27 .


رقم 23 مجهولة من قرى الشمال انتي واحدة تافهة ، في شغلات معك حق فيها مثل السكن بالاجار صحيح عيب اما انك تشجعيها عالطلاق ؟ يا عيب الشوم ! شو مصير ولادها بدها تحس نارررررر مولعة في قلبها بس تبعد عنهم اصحوو يا بشرر وفكرو بالعقل كل شي بالتفاهم بيصير وانا ضد الطلاق والله يصلح الاحوال

ام تنكة - - 2015-12-19 21:47:51

28 .


יא אכתיאללה יכון בעונק חביבתי אסברי ימקן האדא אמתחאן חביבתי אסברי אן אללה מע אלסאברין אבו דר אלגפארי קאל אדא אסאא לי אחד לן ארד עליה אדא טענני לן ארדעליה יןםוארד לא אטאלבה ולא אדכל אלגנה אלא מעה יא חביבתי אתחמליה כרמאל ולאדק סדיקק האדא בקבל מרתו או אוכתו תחקי מע סדיקה אסאליה האדא אלסאאל כודי כוקי או סלפק או אבנק בס סדיקק רבנא הוא אלוחיד אלי בסאעדק חביבתי רוחי דיני אקרי אלדין מתאקדה ראיחה תגירי כל תסרפאתק וגוזק ראיח יתגייר אלתהי באשי ינפעק מש פי אלחקי מע סדיקק מרחבא סדיקי דירי באלק עלא סמעתק וסמעת ולאדק לאנו ממנוע נחקי לואחד גריב חטי עקלק בראסק אחסן ד

אנסאנה - בית גן - 2016-01-31 01:14:26

29 .


نحن في زمن الوعي وحرية الرأي والأختيار مهما كان هناك ضغوطات بالعادات والتقاليد فهناك مؤسسات وقانون يدعمك على أخذ قرارك مهما كان من ضغوطات وتهديدات من العائله فأنت هي التي تعاني من المشكله وتعشينها فلذالك ما عليكي سوى أن تفكري جيدا" إما أن تلجائي الى احد المؤسسات لمساعدتك بحل مشكلتك وان لم تحل فما عليكي إلا بأخذ قرار الطلاق لتضمني حريتك وسعادتك فالبدايه سيكون الامر صعب والمهجامات كثيره ولكن فالنهايه سيكون كل شئ على ما يرام وترتاحي ولكن إحذري من الخيانه وإلا ستخسرين كل شئ

رولا - حيفا - 2016-05-28 02:51:21

30 .


مرحبا للجميع ..ومرحبا للاخت المعذبه ...في مثل بقول قال شو جبرك على المر غير الامر منه ...واليوم احنا بوضع لا نحتسد عليه يعني شايفين المشاكل اللي عمتصير والقضايا الطلاق واكثرها على اسباب تافهه وغير منطقيه يعني بسبب مش محوج للطلاق ...وما في بيت ما فيه مشاكل وبصير كثير وقليل بس قبل ما يوقع الفاس بالراس وتوصلي للطلاق وتشتتي عيلتك وولادك فكري شو الاشي الانتي قصرتي فيه مع جوزك لوصلتي لهيك حاله واسفه على التعبير هذا بس اليوم ما في نتيجه بلى سبب ..واذا ما وصلتي لحل في مركز الشؤون الاجتماعيه وقبل بتقدري تتوجهي للمشايخ فالبلد اللي ممكن هنه يعطوكي حلول او يساعدوكي بتخطي هذه الازمه ...وانو تحكي لصديق او صديقه انا باييد الاخ سمير انو اليوم ما عاد للصداقه معنى انت جربي صلحي الوضع وما بحك جسمك غير ضفرك ..نصيحه اخويه يا اختي ديري بالك على جوزك وولادك وحتى لو انو الشغل مجبوره عليه وهو جايبلك تعب البال اقعدي عن الشغل واهتمي باولادك بتكسبي بيتك وجوزك وولادك صدقيني ..والله يصلح الحال وبتمنى من قلبي انو ترجع المي لمجراها وتصلح الحال واسمع انك مبسوطه انتي وجوزك..الله يجبر بخاطرك

بنت جنويه - بيت جن - 2016-12-22 18:23:42

31 .

اضف تعليق
 

الاسم

 

 البلد

 

  التعليق

 

 

مش مهم - بيت جن:
 الله يرحمك يا غالي طلال ويصبر اهلك

بنت البلد - بيت جن:
 الله يررحمك ملك 💔💙😓❤

😛⚘ - جولس:
 الله يسعدددد صباححكم

مش مهم - بيت جن:
 وين روحتي ياملك بكرتي فروحه قلبي عم ينطف عليكي روحتي مثل زهره ذبلانه بخاطرق 😢

مش مهم - بيت جن:
 ملك الله يرحمك 14.9.17 💔

ابو نورس عمار مطر - جبل العرب القريا:
 كل عام وانتم بالف خير بمناسبة حلول عيد الاضحى المبارك ينعاد عليكم بالخير والبركات كل ال اسعد واقاربهم وانسبائهم في بيت جن سلامنا لكم جميع ومن عوادها ان شاء الله

درزي غيور - :
 أهنئ الطائفة الدرزية على الإنجاز الذي حققته مدرسة الطائفة جمعاء - الثانوية الدرزية للعلوم والقيادة دركا يركا بحصولها على تبوئها المكانة الأولى في الدولة للسنة الخامسة على التوالي، وبنسبة الحاصلين على الامتياز والتفوق في التحصيل الأخلاقي، العلمي والاجتماعي. أهنئ إدارة المدرسة، طاقمها وطلابها المميزين. وأتمنى أن تحذو حذوها باقي المدارس في الطائفة.

نورس ابو عسله - بيت جن:
 الى اخي الراحل، طلال صلاح ابو عسلة سلاما على رؤحك الطاهره، كم اشتاق البك . أشتقت إليك بحجم استحالة عودتك إلى هذه الحياة. فيا رب إن أخي بقربك وبجوآرك ؤأنت أعلم به وبمآ يدور ودار حوله فأرحمه واغفرله بقدر حبنآ واشتيآقنا له واجعله ممن يفوزون برضاك وجنتك . اخي ليتك هنا .. لتخفف قلقي ،، وتمطرني بـنصائح لا أثق إلا بها .. ليتك هُنا ..اخي لو كان مبإحا لي يزيارة قبرك لقبلت جميع حبات الرمال التي تحيطك . اخي سلاما على رؤحك الطاهره. اختك نورس ابو عسله

ماهر ابو عسله - بيت جن :
 اللهمّ اجزه عن الإحسان إحساناً، وعن الإساءة عفواً وغفراناً. اللهمّ املأ قبره بالرّضا، والنّور، والفسحة، والسّرور , الله يرحمك. طلال صلاح ابو عسلة

بنت البلد - بيت جن :
 الله يرحمك خيا طلال والله يخليلك عيلتك اقاربك صحابك نشالله الله كبير.... بس الله يصبر اهلو... واحنا كمان محروق قلبنا زي اهلو... 😷😢😭😣😔

مش مهم - بيت جن:
 كان تخريج التواسع كتير حلو بس انو لو كان اطول لكنا حبنا اكتر واشكر الاخ حسام على التصوير ومكناش حابين انوا التواسع يطلعوا ابدا بس للاسف خلص وشكرا ....:)

طالبه من صف التاسع و - بيت جن:
 صفي التاسع و احلى او أغلى صف بدي اشتقلكوا كثير او بدي اشتاق لمربي صفي الاستاذ يوسف حلبي الي كان يدلنا على طريق الصح او ينصحنا 😞 بحبكوا كثير❤️״التاسع و"❤️

مين - بيت جن :
 بالنجاح لكل الطلاب

بنت البلد - بيت جن:
 بتمنى للمدرسه الاعدايه الفرح والسعاده وفعاليات ممتعه غدا بسبب يوم الطالب وشكرا😍❤

جدعان رمال - يركا:
 الف مبروك ايوب قرا

مواطنه - بيت جن :
 بالنجاح للطلاب على الامتحانااات الفصليه او السنويه وانشاالله النجااح الداائم لكل الطلاااب و الحصول على اعلى العلاماات بالتوفيق ♡♡

عنود شهيم مرعي - بيت جن :
 أتقدم باحر التهاني والبركات لوالدي الغالي شهيم مرعي بمناسبة خروجه من المستشفى بعد تعرضه لوعكه صحيه صعبه فقدومك للبيت بعد فترة العلاج اضاء بيتنا نورا وسعاده واتمنا من الباري عز وجل يحفظك لنا وتتمتع بصحه جيده وعافيه الف الحمد لله على السلامه

فؤاد بدر - المغار :
 شكر وتقدير لهذا الموقع الكريم الصالح النبيه ولمديرة الصالح كل الأصل والله يحمي بني معروف لكم مني اطيب التهاني والصحه والعافيه وتحيا بيت جن بناسها وارضها وثلجها وانفاسها وروحها والله يرحم امواتنا ويرحمنا جميعا

ابو شديد - galeel:
 اود ان يفهم مواطني الدوله عن الحادثه مع الضحيه رائد قبلان في القدس ومقارنتها مع الجندي عزاريا ؟؟؟؟؟؟

حلا امل اسعد - بيت جن:
 الله يرحم الشهداء

 

اضف اهداء

 

استفتاء

 

 

اريد حلا

 

شابة: أصبحت تعيسة وأشعر بعدم الأمان بعد فقدان والدي

صديقة الموقع رولا سوسان (حيفا) تطرح قضية للنقاش في غاية الاهمية: هل...

 

مطبخ

 

ورشة للمخبوزات الخالية من الجلوتين في الناصرة

شاهدي معنا كيفية صنع سلطة جبن الفيتا!

 

سياحة

 

اسرائيل توظف 150 عاملا اردنيًا في السياحة

إنه.. «برج العرب».. عنوان ليس بحاجة لعنوان

 

حق المواطن بالمعرفة

 

حق المواطن بالمعرفة : عضو المجلس سلمان ظاهر: امكانية ترشحي لرئاسة...

حق المواطن بالمعرفة : عضو المجلس فرح سويد في لقاء مع موقع الاصل

 

ابراج

 

حظك اليوم 20.04.2017

حظك اليوم 19.04.20174


جميع الحقوق محفوظة لدى موقع الاصل
(الآراء المنشورة في الموقع تعبر عن رأي كاتبيها فقط )

للأعلان في الموقع   |   اتصل بنا   |   ارسل لنا خبر  |   اسس التعقيب في الاصل

Powered by BldnaHitech 
بلدنا هايتك - بناء وتصميم مواقع انترنت